د برېتانیا د بهرنیو چارو وزارت خبر ورکړی، چې هېواد به یې د افغانستان له زلزلهځپلو سره د ۳ میلیونه پونډو بېړنۍ مرسته وکړي. سرچینې ویلي، چې دغه مرسته د هغو ۱میلیون پونډو تر څنګ کېږي، چې دغه هېواد د روانې میاشتې پر ۱۱مه نېټه د افغانستان د زلزلهځپلو لپاره اعلان کړې وې. د برېتانیا د بهرنیو چارو وزیرې ایوېټ کوپر په یوې خپره کړې اعلامیه کې ویلي چې «په افغانستان کې د وروستۍ زلزلې تر پېښېدو وروسته لا هم وضعیت سخت او کړکېچن دی او اوس چې د مرستندویانو لاسرسی لرې پرتو او سختو زیانمنو سیمو ته ممکن شوی، د تاوان او انساني مرګژوبلې اصلي کچه ورځ تر بلې روښانه کېږي. هغې زیاته کړې، له همدې امله برېتانیا پرېکړه وکړه چې نوې مرسته اعلان کړي، څو د هغو نړۍوالو مرستندویو بنسټونو ملاتړ وشي، چې په سیمه کې کار کوي.
