د امریکا ولسمشر ډونالډ ټرمپ د روسیې له ولسمشر ولادیمیر پوتین سره تر لیدنې وروسته په یوه خبري ناسته کې ویلي چې له هغه سره يې په ډېری مواردو کې هوکړه کړې ده او د خبرو اترو په ترڅ کې یې ښه پرمختګ کړی، خو ټینګار یې کړی چې تر وروستۍ هوکړې پورې لا کوم رسمي تړون نه دی شوی. د ټرمپ په وینا، پوتین غواړي چې د وژنو د درولو شاهد وي او ښايي ډېر ژر په مسکو کې بله ناسته هم ترسره شي. دغه راز پوتین هم له ټرمپ سره د مذاکراتو تر پای وروسته په یوه ګډه خبري ناسته کې څرګنده کړې،چې دواړو لورو «رغنده او ژورې» خبرې کړې دي. د هغه په وینا، د خبرو اترو اصلي تمرکز د اوکراین پر جګړه، د سولې پر امکان او د امریکا ـ روسیې د اړیکو د عادي کېدو پر لارو چارو وې.
