د راپورونو له مخې د امریکا ولسمشر ډونالډ ټرمپ خبرداری ورکړی چې که ولادیمیر پوتین په اوکراین کې د سولې هڅو ته زیان واړوي، دا کار به د مسکو لپاره سختې بدې پایلې ولري. ټرمپ ویلي چې د جمعې په ورځ په الاسکا کې د پوتین سره د ده غونډه ممکن د اوکراین له ولسمشر سره تر بلې غونډې وروسته وي. تمه کیږي په دې غونډه کې به د اوکراین جګړې ته د پای ټکی ایښودلو په اړه بحث وشي. ټرمپ د چهارشنبې په ورځ په خپلو څرګندونو کې دا پایلې مشخصې نه کړې، خو مخکې یې خبرداری ورکړی و چې که په الاسکا کې خبرې ناکامې شي، پر روسیه د اقتصادي بندیزونو احتمال شته دی. رویټرز خبري اژانس بیا په یوه راپور کې ویلي، چې روسیه به د اوکراین او اروپا له غوښتنو سره په کلکه مقاومت وکړي.
