د پنجشېر ولایت د اقتصاد ریاست مسوولینو خبر ورکړی، چې پریان ولسوالۍ کې د څه باندې ۶ میلیونه افغانیو په لګښت د ۲ کلیوالي سړکونو د کانکرېټ کولو او د یو بل سړک د رغولوچارې پیل شوې دي. د یاد ریاست رییس مولوي فیض الباري نوبهار رسنیو ته ویلي، چې په یاده پروژه کې د ۶۰۰ متره په اوږدوالي او ۵ متره په سور د دوو سړکونو د کانکرېټ کولو او د ۲.۵ کیلومتره په اوږدوالی او ۴ متره په سور د یو کلیوالي سړک د جوړېدو چارې د ملګرو ملتونو د پروژوې خدمتونو د فتر په مالي ملاتړ د ۶ میلیونه ۸۵ زره ۵۵۳ افغانیو په لګښت پیل شوي دي. د یاد ولایت ځایي چارواکو دغه راز ویلي، چې دامهال د یاد ولایت په پریان ولسوالۍ کې د۲۷ بېلابېلو پروژو چارې روانې دي.
