ګارډین ورځپاڼې په یوه خپاره کړي راپور کې د سکاټلنډ د لومړي وزیر جان سوییني له قوله لیکلي چې پر غزې د اسرائیل بریدونه نسلوژنه ده او ویلي دي چې له دې انکار نه شي کېدای. په راپور کې راغلي، چې سوییني د یوې عمومي ناستې پرمهال په فلسطین کې روان بحران ته په اشارې ویلي: «هغه څه چې په فلسطین کې روان دي، نسلوژنه ده.» نوموړي زیاته کړې چې داسې انځورونه او راپورونه یې لیدلي چې د نسلوژنې بڼه لري او دا یې شخصي نظر دی، ان که څوک یې واهم نه وري. جان سوییني په بریتانیا کې دویم جګپوړی چارواکی دی چې اسرائیل د ظلمونو په اړه خپل غږ پورته کوي.
