د پاکستان د بهرنیو چارو وزارت خبر ورکړی، چې د افغانستان، پاکستان او چین ترمنځ درې اړخیزه نارسمي ناسته نن په بېجېنګ کې ترسره شوه. دغه ناسته کې د افغانستان د بهرنیو چارو سرپرست وزیر امیرخان متقي، د پاکستان د بهرنیو چارو وزیر اسحاق ډار او د چین د بهرنیو چارو وزیر وانګ یي ګډون کړی و. د دغه وزارت لهخوا په خپرې شوې خبرپاڼه کې راغلي، چې په ناسته کې درېواړو لورو د سیمهییز امنیت او اقتصادي اړیکو د ودې لپاره پر درې اړخیزې همکارۍ ټینګار کړی. خبرپاڼه کاږي، چې ټولو خواوو د ډیپلوماټیک تعامل پر زیاتوالي او د اړیکو پر پیاوړتیا خبرې کړې دي او همدارنګه یې د سوداګرۍ د پیاوړتیا او د زېربناوو د پراختیا لپاره د عملي ګامونو د اخیستلو په اړه بحث کړی دی. خبرپاڼه زیاتوي، چې په ناسته کې د یوه کمربند یوې لارې په برخه کې د همکارۍ پر پراختیا او افغانستان ته د چین-پاکستان د اقتصادي دهلیز د غځولو په اړه هم هوکړه شوې ده.
