د روسیې ولسمشر ولادیمیر پوتین اعلان کړی چې د روسیې او عربو هېوادونو ترمنځ لومړنۍ سرمشریزه به د روان کال د اوکتوبر میاشتې په ۱۵مه نېټه جوړه شي. پوتین ویلي، په دې ناسته کې به د منځني ختیځ شخړې، اقتصادي همکارۍ او نړۍوال بدلونونه د اجنډا مهم موضوعات وي. نوموړي د عربو هېوادونو د سیاسي او ډېپلوماټیکو هڅو ملاتړ څرګند کړی او زیاته کړې یې ده چې روسیه د سیمهییزو لانجو د حل لپاره د هغوی رول مهم بولي. پوتین ټینګار کړی، چې د شخړو حل باید د هېوادونو د ملي حاکمیت او ځمکنۍ بشپړتیا په درناوي ترسره شي.
