د کډوالو او بېرته راستنیدونکو چارو سرپرست وزیر مولوي عبدالکبیر په مشرۍ غونډه کې له پاکستانه د راستنېدونکو افغانانو لپاره د اسانتیاو برابرولو په اړه خبرې شوي. د دغه وزارت په اعلامیه کې راغلي چې تورخم ته به یو پلاوی واستوي څو له پاکستانه د راستنېدونکو افغانانو اړتیاوې و ارزوي. غونډه کې مولوي عبدالکبیر ټينګار کړی چې د راستنېدونکو افغانانو د ثبتولو لپاره فرضي کرښې ته څېرمه د اړتیا وړ امکانات برابر کړي او د لا زیاتو مرستو د جلبولو لپاره له نړۍوالو بنسټونو سره غونډې وشي.
