د چین بهرنۍ سوداګرۍ/۲۰۲۴/ وړاندوینه
ایډي: 8407565
نېټه: وروستۍ
ځای: چین
موده: یوه دقیقه او دوه ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-12-11 22:21
وروستی سمون: 2024-12-11 22:25
بشپړ خبر
یوه چینایي اقتصاد پوه ویلي، چې د چين بهرنۍ سوداګرۍ په روان ۲۰۲۴ کال کې د پام وړ وده کړې، او اټکل کېږي چې د دغه هېواد د سوداګرۍ اضافي عاید به نږدې یو تریلیون امریکایي ډالرو ته ورسېږي.
د رسمي معلوماتو له مخې، د چین د وارداتو او صادراتو ټولیزه کچه د ۲۰۲۴ کال په لومړیو ۱۱ میاشتو کې په ثابت ډول لوړه شوې، چې د سوداګرۍ ارزښت یې نږدې ۵.۶ تریلیونه امریکایي ډالرو ته رسېدلی چې د تېر کال د همدې مودې په پرتله ۴.۹ سلنه زیاتوالی ښیي.
ویل کېږي، چې دا د چین د سوداګرۍ په تاریخ کې لومړی ځل دی چې د کال په لومړیو درې ربعو کې د وارداتو او صادراتو ټولیزه کچه له ۱۰ تریلیونه یوان چې شاوخوا ۱.۴ تریلیونه امریکایي ډالر کېږي څخه اوړي.
د چین صادراتو کې میخانیکي او برقي محصولات چې د دې هېواد د صادراتو نږدې ۶۰ سلنه برخه جوړوي، د روان کال له جنورۍ څخه تر نومبره پورې د اتوماتیکې ډاټا پروسس کولو تجهیزاتو، یوځای شویو سرکټونو(برقي شبکې) او موټرو صادراتو کې دوه رقمي وده لیدل شوې ده.
د چین د رینمین پوهنتون د پرمختګ او ستراتیژیکو څېړنو د ملي اکاډمۍ اجرایوي مشر لیو چینګ وايي، چې د نړیوالو سیاسي او اقتصادي بې ثباتیو سره سره، د چین بهرنۍ سوداګرۍ سږکال په لوړه کچه سیالي کړې ده.
نوموړی وايي، سره له دې چې نړۍ د سیاسي او اقتصادي ناورین سره مخ ده، خو بیا هم د چین نړیواله سیالي پیاوړې پاتې شوې ده. هغه همداراز وړاندوینه کوي چې د ۲۰۲۴ کال په جریان کې به د چین د سوداګرۍ زیاتوالی له ۹۵۰ میلیاردو امریکایي ډالرو څخه واوړي، چې دا یوه ستره لاسته راوړنه بلل کېږي. نوموړی دا هم څرګندوي چې دا زیاتوالی د چین د صنعتي بنسټ پیاوړتیا او سیالې وړتیا ته اشاره کوي.
