ناروې – فلسطین دولت / راټولېدنه
ایډي: 8379109
نېټه: د مې 28، 2024
ځای: ناروې
موده: یوه دقیقه او دیارلس ثانیې
سرچینه: (CGTN)
محدودیتونه: د چینايي وګړو لپاره نه ده
خپور شوی: 2024-05-30 07:19
وروستی سمون: 2024-05-30 07:28
ویډيويي صحنې
اوسلو- ناروې – د مې 28، 2024 (CGTN) د چینايي وګړو لپاره نه ده
۱ـ د فلسطین د دولت رسمیت پېژندلو په ملاتړ د ناروې د پارلمان د ودانۍ له بهر بېلابېل لاریونونه
۲ـ د پارلمان د ودانۍ پر سر د ناروې ملي بیرغ
۳ـ غږ (انګلیسي) لاریون کوونکی (نوم نه دی ورکړل شوی)
«پرېکړه وشوه» ډېر ناوخته، مګر دا هېڅکله هم ډېره ناوخته نه ده، سمه ده؟
۴ـ د ودانۍ په سر د ناروې ملي بیرغ
۵ـ پولیس
۶ـ خلک د پارلمان ودانۍ ته د ننوتلو پر مهال
۷ـ د کوڅې بېلابېلې صحنې، په ودانۍ باندې د فلسطین بیرغ
۸ـ په کړکۍ کې د فلسطین پلوي نښان
۹ـ بېلابېل نقشې چې په سړک کې د فلسطیني سیمو او د اسراییلو اشغال ښودنه کوي
۱۰ـ د پیاده تګ او راتګ بېلابېلې لارې او ګڼې برخې، ودانۍ
بشپړ خبر
ناروژي وګړي د سې شنبې په ورځ په اوسلو کې د دغه هېواد د پارلمان مخې ته د حکومت د هغې پرېکړې په ملاتړ سره راټول شول چې په رسمي ډول یې فلسطین د یوه خپلواک دولت په توګه په رسمیت وپېژانده.
دا لویه غونډه وروسته له هغه پیل شوه چې ناروې، هسپانیې او ایرلنډ د تېرې چهارشنبې په ورځ اعلان وکړ چې دوی به د مې له ۲۸مې نېټې څخه د ۱۹۶۷ کال د سرحدونو پر بنسټ فلسطین په رسمي توګه په رسمیت وپېژني.
په غونډه کې برخه والو د ناروې او فلسطین بیرغونه پورته کړل او د حکومت د پرېکړې په ملاتړ یې خوښي څرګنده کړه. ځینو وویل چې دا پرېکړه ډېر ناوخته شوې ده خو دوی دغه راز یادونه وکړه چې د ناروې ګاونډي په ۲۰۱۴ کال کې فلسطین په رسمیت پېژندلی و، او هنګري او پولنډ مخکې ورته کار کړی و.
یوه ګډونوال (CGTN) ته وویل، دا پرېکړه ډېره ناوخته وشوه، مګر د دې پرېکړې لپاره هېڅکله ناوخته نه ده
په ورته وخت کې د ناروې هېواد لومړي وزیر جوناس ګهر سټور وویل د ناروې پرېکړه په منځني ختیځ کې د تلپاتې سولې لپاره د “یوازې حل” لپاره پانګونه ده. هغه زیاته کړه چې ناروې غواړي د نړۍ نور هېوادونه په ځانګړې توګه اروپا وهڅوي چې فلسطین د یوه دولت په توګه په رسمیت وپېژني.
د یادونې وړ ده چې ناروې په ۱۹۹۳ کال کې د اوسلو د لومړي تړون له لاسلیک څخه ۳۰ کاله وروسته فلسطین په رسمیت وپېژانده.
دغه راز ناروې د غزې د اوږدې جګړې او د سولې په خبرو کې د پرمختګ د نشتوالي له امله د فلسطین په رسمیت پېژندلو پرېکړه وکړه. او ویې ویل چې نور د فلسطین په رسمیت پېژندلو دمخه د شخړې حل ته انتظار نشي کولی.
د ناروې د حکومت په وینا، د فلسطین دولت او د اسراییلو دولت ترمنځ د ځمکنۍ حدود باید د ۱۹۶۷کال دمخه سرحدونو پراساس وي او بیت المقدس د دواړو هېوادونو د پلازمېنې په توګه باید فعال شي.
د ناروې حکومت ژمنه کړې چې د عربي سولې نوښت لپاره چې په منځني ختیځ کې د کړکېچ د پای ته رسولو په لټه کې دي، د اروپا ملاتړ لا زیات کړي.
