د روغتیا نړیوال سازمان په افغانستان کې د روان ژمي پر مهال د تنفسي ناروغیو له کبله د لسګونه کسانو د مړینې او د زرګونه نورو د بستر کېدو خبر ورکړی. په راپور کې راغلي چې په افغانستان کې د مني له پیله په تنفسي ساري ناروغیو د اخته کسانو شمېر زیات شوی. په راپور کې راغلي چې د روان میلادي کال په اوومه اونۍ کې له ۴۰ زرو زیات کسان په تنفسي ناروغیو اخته شوي او د دې ناروغیو په تړاو ۹۲ کسان مړه شوي، خو د کال په شپږمه اونۍ کې چې د روانې فبروري میاشتې له پیل سره برابره وه، د ناروغانو شمېر له ۴۳ زیات و، او د دې ناروغیو په تړاو ۹۵ کسان مړه شوي دي. په بیان کې راغلي چې د ۲۰۲۴ کال د جنوري له لومړۍ نېټې څخه د هېواد په ټولو ۳۴ ولایتونو کې له ۲۸۶ زرو زیات افغانان په تنفسي ناروغیو اخته شوي او ۶۶۸ کسان له دې کبله مړه شوي دي.
