د جوزجان ولايت د کډوالو او راستنېدونکو چارو رياست مسوولینو خبر ورکړی، چې په دغه ولايت کې بې وزله کورنیو ته ٨٦ کورونه جوړ شوي دي. د مالوماتو له مخې دغه کورونه د ملګرو ملتونو د عالي کمېشنرۍ په همکارۍ د فيض آباد ولسوالۍ او د شبرغان په شاوخوا سيمو کې اړمنو کورنیو ته د ۴ زرو امریکایي ډالرو په لګښټ په پاخه او اساسي ډول جوړ شوي، چې دوه خونې، يو دهلېز، يو تشناب او د لمریزې برېښنا سيسټم هم لري اړمنو کورنیو ته سپارل شوي دي. د یاد ولایت ځایي چارواکو د ملګرو ملتونو له عالي کمېشنرۍ او له پلې کوونکي بنسټ څخه د کورونو جوړولو، د سړکونو د پخولو او د نغدي مرستو د وېش له امله مننه کړې او په دغه ولایت کې یې له اړمنو وګړو سره د ورته نورو مرستو د دوام غوښتنه کړې ده.
