په پاکستان کې د اسلام اباد پولیسو ویلي، چې د دغه هېواد د کورنیو چارو وزارت د غیرقانوني بهرنیو وګړو د بېرته ستنولو عملي پلان يې د منظورۍ لپاره د کورنیو چارو وزارت ته استولی دی. پولیس وایي دا پلان د کورنیو چارو وزير سرفراز بګتي په لارښوونه جوړ شوی چې له مخې به يې په اسلام اباد کې ناقانونه بهرني وګړي د سفارتونو په همکارۍ بېرته خپلو هېوادونو ته استوي. د افغانستان د کډوالو چارو وزارت بیا له پاکستانه غوښتي چې په هغه هېواد کې د افغان کډوالو د نیولو او ځورولو لړۍ ودروي. د دغه وزارت لخوا په خپاره شوي بیان کې راغلي چې پاکستاني پولیس ان هغه افغانان هم نیسي چې قانوني اسناد لري. په بیان کې له پاکستان غوښتنه شوې چې بشري حقونه، د ګاونډيتوب حقونه او ګډ دیني ارزښتونه په پام کې ونیسي او ټول نیول شوي کډوالو بېرته خوشې کړي.
