د راپورونو له مخې، د پاکستان د دیني عالمانو یو پلاوی کابل ته راغلی دی. دا پلاوی د سرپرست حکومت له چارواکو سره د خبرو لپاره پرون کابل ته راغلی او سبا ورځ به هم په کابل کې وي. د پلاوي مشر محمد طیب قریشي ویلي، د پلاوي د سفر موخه د پاکستان او د افغانستان د سرپرست حکومت د چارواکو تر منځ ناندریو ته د پای ټکی ایښودل دي. کابل ته د پاکستاني دیني عالمانو سفر په داسې حال کې دی، چې په دې وروستیو کې پاکستاني چارواکو د سرپرست حکومت پر چارواکو نیوکه کړې، چې تحریک ط البان پاکستان ته يې په افغانستان کې خویندي ځایونه ورکړي دي. د پاکستاني چارواکو په تازه څرګندونو کې د پاکستان د پوځ مشر جنرال عاصم منیر پرون ویلي، پاکستاني ط البان دې د افغانستان خاروه د پاکستان پر ضد نه کاروي. خو سرپرست حکومت بیا د پاکستاني چارواکو دا ادعاوې رد کړې دي.
