د ملګرو متلونو امنیت شورا لخوا د خوړو د خوندیتوب په تړاو رابلل شوې پرانیستې غونډه کې د ۸۰ هېوادونو استازو په یو والي سره دا غږ بدرګه کړ چې جګړې باید په نړۍ کې د خوړو امنیت زیانمن نه کړي. امنیت شورا په وروستۍ ناسته کې په وسله والو شخړو کې د خوړو خوندیتوب اعلامیه تصویب کړه. په ناسته کې ګڼو هېوادونو په روسیې غږ کړی چې د تور سمندر له لارې د غلو صادراتو له نوښت سره یو ځای شي. د ملګرو ملتونو د بشري مرستو همغږې کوونکې ادارې “اوچا” مشرې ویلي په ۲۰۲۲ کال کې د ټولې نړۍ په کچه ۲۵۰ میلیونه خلک د خوړو له کمښت سره مخ وو. خو په ناسته کې بیا افغانستان د هغه هېواد په توګه یاد شوی چې وګړي یې د نړۍ د نورو هېوادونو پرتله د خوړو له جدي کمښت سره مخ دي.
