د ایران بهرنیو چارو وزیر د سرپرست حکومت د بهرنیو چارو وزیر ته ویلي، چې هېواد یې د افغانستان له لوري د اوبو ورخوشي کولو او له هلمند سینده د اوبو حق غوښتونکی دی. د ایران بهرنیو چارو وزارت له لوري د ټویټر پیغامونو په یوه لړۍ کې ویل شوي، امیر عبداللهیان له خپل افغان سیال سره ټیلیفوني خبرو کې هغه ته ویلي،چې د افغانستان له لوري د اوبو ورپرېښوول، او د ایران د اوبو حق په عملي بڼه ورکول د ایراند حکومت جدي غوښتنه ده او دا موضوع پر خپلمنځي اړیکو اغېز لري. د ایران بهرنیو چارو وزارت زیاته کړې، د ایران حقابې نه ورکولو له کبله چې د ایران په سیستان او بلوچستان سیمو کې د وچکالۍ کومې ستونزې رامنځته شوې، د د ایران د بهرنیو چارو وزیر دې ستونزو ته په اشارې سره هیله څرګنده کړه، چې افغان لوری به هم د اوبو راخوشي کولو او سیستان ته رسېدو کې لازم اقدامات وکړي. د بهرنیو چارو سرپرست وزیر په دې ټلېفوني مکالمه کې ویلي، چې افغانستان له ایران سره د اوبو هوکړې ته ژمن دی.
