د افغانستان لپاره د امریکا پراختیايي ادارې یو ځل بیا په افغانستان کې پر کار د ښځو د ګمارلو غوښتنه کړې ده. دې ادارې ډاډ ورکړی چې په افغانستان کې له ښځو په ځانګړې توګه متشبثو ښځو ملاتړ کوي او افغانستان د ښځو له حضور پرته نه شي کولی پراختیایي پرمختګ ولري. ورته مهال یو شمېر ښځې له مرستندویه بنسټونو غواړې چې په بېلابېلو برخو کې یې ملاتړ وکړي. اخوا، د کروندګرو ښځو ټولنه وایي، اوسمهال په افغانستان کې د ښځو د سوداګرۍ د ودې لپاره اړتیا ده چې له هغوی ملاتړ وشي. بل پلو، د صنعت او سوداګرۍ وزارت وایي، چې د متشبثو ښځو لپاره لازمې اسانتیاوې برابرې شوې دي او د اسلامي امارت له با رتګ وروسته پر ښځو د کار شپږ سوه جوازونه وېشل شوي دي. د صنعت او سوداګرۍ وزارت د معلوماتو له مخې، اوسمهال سوداګرې ښځې د لاسي صنایعو، کرنې، روغتیا، خدمتونو، صنعت او کانونو په برخه کې فعالیت لري.
