یوناما یو ځل بیا په افغانستان کې د نجونو لپاره د تعلیمي موسسو د تړل کېدو په اړه اندېښنه ښودلې. په افغانستان کې د ملګرو ملتونو ماموریت په یوه ټویټ کې ویلي چې که څه هم په یوه میاشت کې به په افغانستان کې ښوونځي او پوهنتونونه پیلیږي، خو په دې هېواد کې به په میلیونونو ښځې او نجونې له زده کړو بې برخې وي. یوناما له ښوونې او روزنې څخه د ښځو او نجونو منع کېدل بشري حقونه او د ځان په زیان بللي او له ا.ا څخه یې غوښتي چې په دې برخه کې ژر تر ژره اقدام وکړي. خو ا.ا وايي پر يوې طرحې کار روان دی چې ډېر ژر به بشپړه شي او له مخې به يې نجونو ته د اسلامي شریعت په چوکاټ کې د زده کړو اجازه ورکړل شي.
