د امریکا دفاع وزیر لویډ آسټن ویلي، تمه لري چې اوکراین د روان میلادي کال په پسرلي کې په خپل هیواد کې د روسیې پر وړاندې تازه یرغلیز بریدونه پیل کړي. آسټن د بلجیم په پلازمینه بروکسل کې د خبرو پرمهال ویلي، متحده ایالات او متحدین یې ډاډ ورکوي چې له کیف څخه به ملاتړ ته دوام ورکړي. خو د امریکا د وسله وال پوځ لوی درستیز جنرال مارک میلي خبرداری ورکړی چې د روسي ځواکونو په وړاندې د اوکراین بریا نده تضمین شوې او روسیې د شرقي دونباس په صنعیتي سیمه کې خپلو بریدیونو ته دوام ورکړی دی. دغه جګپوړوي نظامي امریکایي چارواکي د روسیې پرمختګ کرار ښودلی او ویلي یې دي” دا یو ستونزمن جنګ دی. هغوی “روسي ځواکونه” درانه تلفات ورکوي او روحیه یې ښه نه ده. بلخوا د ناټو سرمنشي ینس سټولټنبرګ اوکراین ته د ډیرو مهماتو په خاص ډول د ثقیله وسلو او درندو ټانکونو په ورکولو ټینګار وکړ.
