د امریکا مخکېني ولسمشر ډونالډ ټرمپ یو ځل بیا له افغانستانه د امریکايي ځواکونو په وتلو نیوکه کړې او ویلي دي چې ط البان اوس د امریکايي ځواکونو پر مختللي تجهیزات او وسلې لري، چې د شپې دوربینونه هم پکې شامل دي. ټرمپ دا څرګندونې د امریکا د ۲۰۲۴ کال ولسمشریزو ټاکنو ته د کمپاین چمتووالي پرمهال کړي. د امریکا د دفاع وزارت د ارزونې له مخې د مخکېني افغان حکومت د امنیتي ځواکونو هغه وسلې د ط البانو لاس ته لوېدلې دي چې شاوخوا اته میلیارده ډالره ارزښت لري. ټرمپ دغه راز ادعا وکړه چې اوریدلي یې دي روسیې ط البانو ته وسلې ورکړې، خو ټینګار یې کړی چې یوازې يې اورېدلي دي. ده ویلي چې دا ډول معلومات یې د میز سر ته نه دي ورسیدلي. نوموړی وايي وروستی کار چې روسیه غواړي، هغه په افغانستان کې له حده زیات ښکېلیدل دي.
