د ا.ا د لوړو زده کړو پلاوي په دوحه کې د یوه قطري بنسټ له مشر او ددغه هېواد د حمد بن خلیفه پوهنتون د عامه سیاسي علومو استاد سلطان برکات سره د نجونو پر لوړو زده کړو خبرې کړې دي. برکات پر خپله ټویټر پاڼه لیکلي چې د ا.ا له ورغلي پلاوي سره یې د لوړو زدکړو په اړه خبرې او بحث کړی. هغه ددې لیدنې یو انځور هم خپور کړی چې پوهنتونونو کې لوړو زدکړو ته د نجونو د لاسرسي په تړاو یې له دغه پلاوي سره تفصیلي خبرې کړې دي. د افغانستان سرپرست حکومت څه موده وړاندې پوهنتونو ته د نجونو پر تګ تر دویم امر پورې بندیز لګولی دی. ا.ا وایي، چې دا پرېکړې موقتي دي او ددې ستونزې د هواري لپاره هڅې روانې دي.
