د تاجکستان ولسمشر امام علي رحمان او د فرانسې ولسمشر ایمانوېل مکرون په ټیلیفوني خبرو کې د افغانستان په روانو حالاتو او په سیمه کې د هغو د اغېزو په اړه خبرې کړې دي. د تاجکستان د ولسمشر د مطبوعاتي دفتر د معلوماتو له مخې، دغه خبرې اترې د فرانسې په غوښتنه ترسره شوې او د افغانستان مسئلې د دواړو خواوو د پاملرنې وړ ګرځېدلې دي. په دې خبرو کې د افغانستان د راتلونکي پوځي، سیاسي او اقتصادي وضعیت په اړه د نظر تبادله شوې ده. د تاجکستان او فرانسې ولسمشرانو د سیمې د امنیت د تامین لپاره د یوه مهم شرط په توګه د سولې او ثبات په لور د افغانستان د لارښوونې لپاره د ګډو لارو چارو پر پراختیا ټینګار کړی دی. دواړو خواوو د سیمه ییز امنیت د تامینولو او د ترورېزم، افراطیت او د نشه یي توکو د قاچاق په ګواښونو او له هغې سره په ګډه د مبارزې په اړه خبرې هم خبرې کړې دي.
