د کانونو او پټرولیم وزارت چارواکي وايي، افغانستان په نړۍ کې د کانونو د کېندنې د پانګونې لپاره تر ټولو ښه هېواد دی. د کانونو او پټرولیم وزارت سرپرست شهاب الدین دلاور چې کندهار او هلمند ولایتونو ته یې د کانونو د کېندنې شرکتونو له مشرانو سره د کتنې په موخه سفر کړی وايي دوی هڅه کوي پانګوال په هېواد کې دننه د کاني توکو پروسس ته وهڅوي او ا.ا په دغه برخه کې پانګوالو ته ځانګړی امتیاز په پام کې نیولی دی. نوموړی وايي ځینې ستونزې شته چې پانګوال باید هغه په نظر کې ونه نیسي. دلاور زیاتوي دوی هڅه کوي تر څو هېوادوالو ته د کار د پیدا کولو په موخه پانګوال په هېواد کې دننه د معدني توکو پروسس ته وهڅوي.
