د چین او ایران ولسمشرانو د یوې ګډې بیانیې له لارې په افغانستان کې د نجونو د زدهکړو او ښځو پر کار د بندیزونو د لغوه کولو غوښتنه کړې ده. پهدې بیانیه کې دغه راز له سرپرست حکومت څخه غوښتل شوي چې په افغانستان کې ټولګډونه حکومت رامنځته کړي. له دې سره سم، په افغانستان کې د جاپان سفیر هم د لوړو زده کړو وزارت له سرپرست سره په کتنه کې د نجونو پر مخ د پوهنتونونو پر پرانېستې ټینګار کړی دی. د جاپان سفارت په خپله ټویټر پاڼه لیکلي چې، دواړو لورو د زدهکړو د اهمیت په تړاو ورته لیدلوری درلود. د ایران ولسمشر په داسې حال کې په افغانستان کې پر نجونو او ښځو د لګول شویو محدودیتونو د لرې کېدو غوښتنه لري چې په خپل هېواد کې یې هم ښځې له ګڼو ستونزو سره مخ دي.
