د ریاست الوزرا اقتصادي مرستیال ملا عبدالغني برادر د ملګرو ملتونو سازمان د سرمنشي له مرستیال مارټین ګرېفټس سره په ارګ کې لیدلي او د نشهيي توکو کښت، اداري فساد او امنیت په هکله یې خبرې اترې ور سره کړې دي. برادر ویلي، چې د هېواد د ښهوالي لپاره یې ټولې هغه ستونزې چې نړیوالې ټولنه د هغه په تړاو اندېښنه لرله حل کړې او د دې وخت رارسېدلی چې نړیواله ټولنه پر ځانبسیا او سوکاله افغانستان لپاره رغنده رول ولوبوي. د ریاست الوزرا اقتصادي مرستیال په خپله ټوېټر پاڼه لیکلي، چې ما رټین کرېفټس هم دې لیدنه کې ویلي چې نړیواله ټولنه د افغانستان د ستونزو د حل لپاره له ا.ا سره تعامل او دوه اړخیزو اړیکو ته لېواله ده. او دمګړۍ ددغه تعامل لپاره «غوره فرصت» رامنځته شوی او ډېری ستونزې حل شوې دي.
