نړیوالو رسنیو خبر ورکړی، چې په امریکا کې د ډزو په دوو جلا پېښو کې ۷ تنه وژل شوي او یو بل ټپي دی. اسوشېتېد پریس خبري اژانس ویلي چې دغه پېښه پرون د سان فرانسیسکو په سویل کې د کالیفورنیا په یوه ساحلي سیمه کې شوې ده. د سټان سن ښار سیمه ییزو چارواکو ویلي، چې په همدې سیمه کې یې د ۴ کسانو جسدونه موندلي دي. د دوی په خبره، د لومړۍ پېښې له ځای څخه په لږ واټن کې د ۳ نورو کسانو جسدونه هم موندل شوي دي. ويل کیږي چې د دواړو پېښو قربانيان د کرنيزو تاسيساتو کارکوونکي دي. دا په داسې حال کې ده چې په دې وروستیو کې په امریکا کې د ډزو پېښې زیاتې شوي دي. په وروستي پېښه کې، د کالیفورنیا په یوه نایټ کلب کې د ډزو له امله ۱۱ تنه وژل شوي دي.
