د ملګرو ملتونو کارپوهانو ویلي چې مدافع وکیلان، قاضیان، څارنوالان او نور هغه کسان چې د افغانستان له حقوقي نظام سره سروکار لري، مصونیت نه لري او له جدي خطرونو سره مخامخ دي. دغو کارپوهانو د خطر سره د مخامخ مدافع وکیل د نړیوالې ورځې څخه دمخه د یوې اعلامیې په خپرولو سره ویلي چې حتی مدافع وکیلان چې لاهم په خپلواکه توګه کار کوي، په افغانستان کې له لویو ننګونو سره مخامخ دي. دغو کارپوهانو ویلي، وروسته له هغه چې د ۲۰۲۱ کال په اګست میاشت کې ط البان یو ځل بیا پر افغانستان واکمن شول، د حقوقي برخې مسلک د هغې جملې څخه څارنوالان، قاضیان او مدافع وکیلان له ګڼو خنډونو سره مخامخ شوي دي. د دغې اعلاميې له مخې، د دغو ټولو ستونزو سره سره د افغانستان د حقوقي او قضايي سکټور کارکوونکو تل هڅه کړې چې د افغانانو حقوقي اړتياو ته پاملرنه وکړي. دغو کارپوهانو ویلي دي چې د حقوقي سکتور کارکوونکي په ځانګړې توګه ښځې له ډیرو ستونزو او خطرونو سره مخ دي او له نړیوالې ټولنې څخه یې غوښتي چې د هغوی ملاتړ وکړي.
