د پاکستان د اپوزیسیون مشر او پخوانی لومړی وزیر عمران خان وايي چې که د افغانستان سرپرست حکومت خپله همکاري ودروي نو په پاکستان کې به د ترهګرۍ پر ضد روانه جګړه اوږده شي. هغه د پاکستان د حکومت پر ځینو چارواکو او وزیرانو نیوکه کړې چې د افغانستان پر سرپرست حکومت بې ځایه نیوکې کوي. د پاکستان پخواني لومړي وزير په ډاګه کړې، که چېرې افغان لوري د ترهګرۍ په موضوع کې خپله همکاري بنده کړه نو په پاکستان کې به د ترهګرۍ پرضد جګړه به نه یواځې اوږده شي، بلکې دا به د پاکستان لپاره پر يو عذاب بدله شي. هغه وايي،که چېرې پاکستان له افغانستان سره اړیکې خرابې کړي او دامریکا لاسوهنې يې ومنلې نو په پاکستان کې یوه نه ختمېدونکې ترهګري به پيل شي. عمران خان زياته کړې له ترهګرو سره له امریکا څخه پاتې شوې عصري وسلې دي، خو پاکستاني پولیس په خپلو وسلو سره د هغوی مقابله نه شي کولی. د پاکستان د اپوزیسیون مشر او د تحریک انصاف گوند د پاکستان پر کورنیو چارو وزیر رانا ثناء الله خان سختې نیوکې وکړې چې ګوندې د ترهګرو پر ضد به د افغانستان خاوره کې عمليات کوي.
