د افغانستان برېښنا شرکت وايي چې د تاجکستان برېښنا ملي شرکت سره د ۲۰۲۳ کال لپاره د تورید تړون رسما تمدید او لاسلیک شو. د یاد شرکت په ټوېټرپاڼه راغلي چې د افغانستان برېښنا شرکت او تاجکستان د برېښنا ملي شركت ترمنځ د برېښنا توريد تړون د ۲۰۲۳ کال لپاره د ا.ا د اوبو او برېښنا د وزیر ملا عبداللطيف منصور په شتون کې تمدید شو. سرچینه زیاتوي، دغه تړون پرون د افغانستان برېښنا شرکت د عمومي اجرائیوي رییس ملا محمد حنیف حمزه او د تاجکستان د برېښنا د ملي شرکت د رییس محمد عمر عسازاده له خوا لاسلیک شو.
