د سنیګال په مرکزي برخه کې د دوو مسافر وړونکو بسونو د ټکر له امله ۳۹ تنه وژل شوي او څه باندې ۱۰۰ تنه نور ټپیان شوي دي. د سنیګال ولسمشر ماکي سال په پېښه کې د وژل شویو او ټپیانو د کورنیو غړو سره ځان په دې غم کې شریک بللی دی. د سنیګال حکومت د دې پېښې له امله په ټول هېواد کې د دریو ورځو لپاره ملي ماتم اعلان کړی دی. د کافرین سیمې ښاروال ویلي چې پېښه د شپې د ۲ او ۳ بجو تر منځ شوې او علت یې د یو بس موټر د ټایر چاودیدل ښودلي دي. پولیسو هم ویلي چې په ټکر کې دواړه بسونه مخامخ سره جنګیدلي دي.
