د افغانستان بانک له خلکو غوښتي، د اسلامي بانکدارۍ په برخه کې دې پانګونه وکړي. د دغه بانک د اسلامي بانکدارۍ د برخې امر یوسف سلیم ویلي، چې د تېر ۲۰۲۱ میلادي کال د اګست د ۱۵ راهیسې واک ته د ا.ا له رسېدلو وروسته د افغانستان بانک د اسلامي بانکدارۍ د ودې او پرمختګ لپاره ډېرې هلې ځلې کړي، چې لا هم دوام لري. نوموړي له خلکوغوښتي، چې د اسلامي بانکدارۍ په مختلفو برخو کې دې پانګه وکړي او په دې توګه دې مرکزي بانک سره همکاري وکړي. د افغانستان بانک دغه چارواکي له خلکو غوښتي، چې په بانکونو کې د پیسو په امانت اېښودلو سره نه یوازې به ګټه وکړي بلکې د افغانستان په بیا رغونه او خلکو ته د کار په موندلو کې به هم مرسته وکړي. د افغانستان بانک چارواکي وايي، چې په تېر څه باندې یو کال کې د دغه بانک د هڅو په پایله کې د بانکونو وضعیت له بحراني حالت څخه وتلی او مخ په عادي کېدو روان دی.
