د امریکا د سفارت شارژدافیرې کرن ډېکر د افغانستان د سرپرست حکومت لخوا د بشري حقونو د ښځینه فعالانو د نیول کېدو په اړه اندېښنه ښودلې او ویلي یې دي چې د خپلو حقوقو په اړه د ښځو خبرې، د دغه هېواد لپاره ګواښ نه دی. نوموړې پر خپله ټویټر پاڼه لیکلي چې د سرپرست حکومت لخوا د ښځینه بشري فعالانو نیول، د دغه هېواد ثبات کمزوری کوي او په خبره یې دغه کار قطعاً سوله ییز نه دی. مېرمن کرن ډېکر همدارنګه د ظریفې یعقوبي او د هغې د څلورو نورو همکارانو د خوشي کولو په اړه کمپاین سره یو ځای شوې او یو ځل بیا یې د هغوی د خوشې کولو غوښتنه کړې ده.
