د بامیان ولایت په سیغان، یکاولنګ لومړۍ او دویمې برخې، ورس او شیبر ولسوالیو کې د شاوخوا ۷۰۰ زره ډالرو په لګښت د شپږو نویو مخابراتي سایټونو جوړولو منظوري ورکړل شوې ده. د بامیان ولایت مقام مطبوعاتي دفتر وايي، دغه سایټونه به د سیمې اوسېدونکو ته د 3G انټرنېټي خدمتونو زمینه برابره کړي. د خبرپاڼې له مخې، د څه باندې ۱.۲ میلیونه ډالرو په لګښت د اوو ولسوالیو او د بامیان ښار په کچه د ۱۲ نورو مخابراتي انتنونو د جوړولو او نصب چارې هم روانې دي، چې تر دې دمه یې ۹۰ سلنه کارونه بشپړ شوي دي.








