د هرات ولایت مقام د رسنیو دفتر وايي، د اسلامکلا بندر له لارې د بېکیفیته نفتي او غیرنفتي توکو ۳۴ باروړونکي موټر بېرته صادرونکي هېواد ته ګرځول شوي دي. د دغه دفتر د معلوماتو له مخې، په ګرځول شویو موټرو کې ۲۰ د پټرولو، ۱۳ د ډیزلو او یو د پاکستاني موټرسایکلونو د پرزو باروړونکی موټر شامل دي. د مسوولینو په خبره د وارداتي توکو او وسایلو ارزونه د هغوی د کیفیت او له اړینو معیارونو سره د مطابقت د ډاډ ترلاسه کولو په موخه ترسره کېږي او مسوولین هڅه کوي، چې بازار ته د غیرمعیاري توکو د ننوتلو مخه ونیسي.








