د ملګرو ملتونو د ۲۰۲۶ کال د بشري اړتیاوو او غبرګون پلان د راپور له مخې، د روان کال له جنورۍ تر سپټمبر میاشتې پورې په افغانستان کې ۹.۹ میلیونه کسانو بشري مرستې ترلاسه کړې دي. راپور وايي، په دې موده کې ۲۱.۹ میلیونه کسان بشري مرستو ته اړتیا لرله، خو د ۱۷.۵ میلیونه کسانو لپاره د مرستو رسولو پلان شوی و. په دې موده کې ۵.۱ میلیونه کسانو خوراکي مرستې ترلاسه کړې دي. د ملګرو ملتونو په وینا، د ۲۰۲۶ کال د بشري مرستو د پلان د پلي کېدو لپاره ۱.۷۱ میلیارده ډالرو ته اړتیا وه، خو د سپټمبر تر پایه یوازې ۵۳۷ میلیونه ډالر، چې د ټولې اړتیا ۳۱ سلنه کېږي، برابر شوي دي. په دې توګه لا هم ۱.۱۸ میلیارده ډالره بودجه نه ده تمویل شوې.








