د بهرنیو چارو وزارت دویم سیاسي رییس ذاکر جلالي وايي، د ا.ا استازی به د اقتصادي همکاریو سازمان (اېکو) په راتلونکې غونډه کې ګډون وکړي. جلالي په خپله اېکسپاڼه لیکلي، چې د دغه سازمان راتلونکې غونډه په تهران کې جوړېږي. دا په داسې حال کې ده چې د ا.ا استازی د پاکستان په کوربتوب د اېکو سازمان د وزیرانو شورا په ۳۰مه غونډه کې ګډون ته نه و بلل شوی. ټاکل شوې د اېکو د غړو هېوادونو د مشرانو راتلونکې سرمشریزه د ډسمبر په میاشت کې په تهران کې جوړه شي.








