د امریکا ولسمشر ډونالډ ټرمپ منلې، چې له ایران سره جګړې او د تېلو د بیو لنډمهاله لوړېدو د جمهوري غوښتونکو پر ټاکنیزو پایلو منفي اغېز کړی دی. ټرمپ له فاکسنیوز سره په مرکه کې ویلي، ښايي امریکایانو د جګړې له امله د پټرولو د بیو لوړوالی نه شوای زغملی. نوموړي همداراز ویلي، ډیموکراتان به سپینې ماڼۍ ته داسې طرحې د تصویب لپاره واستوي چې دی به یې ویټو کړي. د دې ترڅنګ، ټرمپ د جمهوري غوښتونکو له ټاکنیزې ماتې سره سره د خپلې کابینې د غړو د بدلون پلان رد کړی دی.
