د چین د بهرنیو چارو وزیر وانګیي د اذربایجان په پلازمېنې باکو کې د اسیا د تعامل او باور جوړونې کنفرانس (سیکا) په اوومه سرمشریزه کې د افغانستان د سولې او ثبات پر اهمیت ټینګار کړی دی. د چینایي رسنیو د راپورونو له مخې، وانګیي ویلي، افغانستان د اسیا د امنیت نه بېلېدونکې برخه ده او بیجینګ غواړي د افغانستان په اړه سیمهییزه همغږي پیاوړې او له افغانانو سره بشري او پراختیايي مرستې زیاتې شي. نوموړي له افغان حکومت غوښتي چې د افغانستان په خاوره کې د فعالو ترهګرو ډلو د له منځه وړلو لپاره عملي ګامونه پورته کړي، څو د تلپاتې سولې او ثبات زمینه برابره شي.
