د ایران د بهرنیو چارو وزیر عباس عراقچي وایي، امریکا له ایران سره د پیل کړې جګړې د پای ته رسولو لپاره هېڅ ډول پوځي حللاره نه لري. عراقچي له یو شمېر بهرنیو سفیرانو سره د ناستې پر مهال ویلي، د نښتو د پای ته رسولو او د ستونزو د حل یوازینۍ لاره د عدالت او انصاف پر بنسټ ولاړې خبرې اترې دي. نوموړي خبرداری ورکړی چې که امریکا بیا د پوځي مقابلې لاره غوره کړي، د ایران ځواب به د پخوا په پرتله غښتلی او سخت وي.
