د لوګر د محمدآغې ولسوالۍ امنیتي مسوولین وايي، د نړیوال هوايي ډګر د جوړېدو پروژې د پیل لپاره لازم امنیتي تدابیر نیول شوي او په دې برخه کې کومه ستونزه نشته. د ولسوالۍ امنیې قوماندان احمدالله عرفان ویلي، د هوايي ډګر د لومړنیو چارو د پیل لپاره ټولې اړینې امنیتي تابیاوې نیول شوې دي. د محمدآغې ولسوالۍ مرستیال محمدولي حماس وايي، د هوايي ډګر ساحه پراخه ده او د موقعیت له پلوه به د لوګر ترڅنګ د هېواد او سیمې لپاره اقتصادي او ترانسپورتي اهمیت ولري. د لوګر اوسېدونکي د هوايي ډګر له پروژې هرکلی کوي او د چارو د چټک پرمخ بېولو غوښتنه لري.
