د هرات سیمهییز چارواکي وایي، چې په تېرو پنځو کلونو کې د دغه ولایت په ولسوالیو کې د کانونو، زیربناوو او عامه خدمتونو په برخو کې ګڼې پروژې بشپړې شوي او د ځینو یې لا هم کارونه روان دي. د هرات د والي ویاند مفتي یوسف سعیدي وایي، د دغو پروژو ټولیز ارزښت، له ۵.۶ میلیارد ډالرو اوړي. نوموړي د غوریان د اوسپنې کان، د روزنک اوسپنې پروژې او د پاشدان بند په ګډون د یو شمېر لویو پروژو یادونه کړې ده. د چارواکو په وینا، د دغو پروژو په بشپړېدو سره د اقتصادي ودې، کارموندنې او عامه خدمتونو د پراختیا لپاره زمینه برابره شوې ده.
