ټرمپ وايي، په منځني ختیځ کې د شخړې د بشپړ او ټولټال حل په تړاو یې له ایران سره ګټورې خبرې شوې دي. نوموړی وايي، دی به د ایران پر برېښناکوټونو او انرژۍ زیربناوو هر ډول بریدونه د پنځو ورځو لپاره وځنډوي. نوموړي پر ټروټ سوشیل پاڼه په یوه پیغام کې لیکلي، زه خوښ یم و وایم، چې امریکا او ایران په تېرو دوو ورځو کې په منځني ختیځ کې زموږ د دښمنیو د بشپړ او ټولټال حل په اړه ډېرې ښې او ګټورې خبرې کړې دي. نوموړي لیکلي، ما د جګړې څانګې ته لارښوونه کړې چې د ایران د برېښناکوټونواو انرژۍ زیربناوو پر وړاندې هر ډول او ټول پوځي بریدونه د پنځو ورځو لپاره وځنډوي، چې د روانو غونډو او بحثونو بریالیتوب پورې اړه لري.
