ایران ویلي، چې د هرمز تنګی په بشپړه توګه نه دی تړل شوی او یوازې د هغو هېوادونو پر بېړیو محدودیت لګېدلی چې پر ایران یې پوځي بریدونه کړي دي. د ایران د بهرنیو چارو وزیر عباس عراقچي ویلي، نور هېوادونه لکه جاپان کولی شي له دې لارې تېر شي او تهران چمتو دی چې د هغوی لپاره د خوندي تېرېدو اسانتیا برابره کړي. د راپورونو له مخې، په وروستیو ورځو کې د ځینو هېوادونو بېړۍ د ایران په همغږۍ له دې تنګي تېرې شوې دي. هرمز تنګی د نړۍ له مهمو سمندري لارو څخه دی چې شاوخوا ۲۰ سلنه د نړۍ خام نفت ترې لېږدول کېږي او هر ډول محدودیت پکې د نړۍوالو بازارونو لپاره مهم اغېز لري.
