د ازبکستان د بهرنیو چارو وزارت خبر ورکړی چې حکومت یې، افغانستان ته د خوراکي توکو په ګډون له ۲۹۰ ټنو څخه ډېرې بشري مرستې استولې دي. سرچینې ویلي، دغه مرستې د حیرتان بندر له لارې د افغانستان مسوولینو ته سپارل شوې دي. د ازبکستان د بهرنیو چارو وزارت ویلي، دا اقدام په داسې وخت کې کېږي چې ډېری افغانان له اقتصادي ستونزو او د لومړنیو اړتیاوو له کمښت سره مخ دي او تاشکند هڅه کوي د بشري مرستو له لارې د هغوی ملاتړ وکړي. د یاد وزارت په خبره، دا ګام د دواړو هېوادونو ترمنځ د اړیکو د لا پیاوړتیا په موخه هم اخیستل شوی دی. د مرستو د سپارلو په مراسمو کې د اوزبیکستان استازو او یوشمېر سیمهییزو چارواکو ګډون کړی وو.
