د سیریوم په نوم د هوايي چلند د تحلیل یو شرکت راپور ورکړی، چې پر ایران د امریکا او اسراییلو له بریدونو وروسته شاوخوا ۳زره الوتنې لغوه شوي دي. په راپور کې راغلي، چې نژدې یو میلیون مسافر د دې الوتنو له لغوه کیدو کیدو متاثره شوي. دا په داسې حال کې دی چې د سه شنبې په ورځ یو شمیر الوتنې بیرته پیل شوې خو لا ډیرو هېوادونو خپل هوايي حریمونه تړلي دي. له خلیج هېوادونو څخه د الوتنو د ټکټونو بیې هم په بې ساړې کچه لوړې شوي دي. په ورته وخت کې اروپايي ټولنې اعلان کړی چې له منځنۍ ختیځه یې د خپلو وګړو د ایستلو پراوزونه پیل کړي دي.
