رویټرز خبري اژانس راپور ورکړی، چې د امریکا ولسمشر ډونالډ ټرمپ امریکا ته پر ټولو وارداتو ۱۰ سلنه تعرفه، ۱۵ سلنې ته لوړوي. د راپور له مخې دا ګام له هغې وروسته پورته کېږي چې د امریکا سترې محکمې د ټرمپ پخوانۍ تعرفې ناقانونه بللې او ویلې یې دي چې نوموړی له خپلو قانوني واکونو اوښتی دی. په راپور کې راغلي،ټرمپ ویلي چې د امریکا د ولسمشر په توګه به نړیواله ۱۰ سلنه تعرفه «په بشپړ مجاز او له قانوني پلوه تایید شوې کچې»، یعنې ۱۵ سلنې ته لوړه کړي. ټرمپ له دې وړاندې ویلي و چې د اجرايیوي فرمان د ځانګړي ځواک له لارې به امریکا ته پر ټولو وارداتو ۱۰ سلنه تعرفه ولګوي.
