د ایران د بهرنیو چارو وزیر عباس عراقچي له خپل روسي سیال سرګي لاوروف سره په ټلیفوني خبرو کې د دواړو هېوادونو پر اړیکو او د سیمې او نړۍ پر وروستیو تحولاتو خبرې کړې دي. ایراني رسنیو ویلي، چې عراقچي د اټومي وسلو د نه خپرېدو تړون پر بنسټ د ایران د حقونو پر خونديتوب ټینګار کړی او ویلي یې دي چې تهران د یوې عادلانه او متوازنې هوکړې لپاره جدي ډیپلوماټیکې هڅې روانې ساتلې دي. هغه همداراز په نړۍوالو ناستو کې د روسیې له دریځه ملاتړ څرګند کړی او لاوروف ته یې د تهران او واشنګټن ترمنځ د وروستیو خبرو اترو په اړه معلومات وړاندې کړي دي.
