د خوړو نړیوال پروګرام (ډبلیو ایف پي) پر خپله اېکس پاڼه لیکلي، چې په ټول افغانستان کې کورنۍ لا هم د لوږې له زیاتوالي او اړینو خوراکي توکو له نشتوالي سره مخ دي. یاد سازمان ویلي، چې د جاپان په مرسته زیانمنو وګړو ته ژغورونکې خوراکي مرستې وړاندې کېږي، داسې مهال چې ډېره اړتیا ورته لري .د خوړو نړیوال پروګرام ټينګار کړی چې پرلپسې ناورینونو لکه زلزلو، وچکالۍ، اقتصادي ستونزو او له پاکستان او ایرانه د کډوالو جبري راستنېدو د خلکو ژوند اغېزمن کړی دی. ملګرو ملتونو هم راپور ورکړی و چې په افغانستان کې د اړتیاوو کچه ډېره شوې او په هېواد کې شاوخوا ۱۷.۴ میلیونه کسان د خوړو له ناامنۍ سره مخ دي.
