رویټرز خبري اژانس راپور ورکړی، چې پر غزې د اسراییلو په هوايي بریدونو کې ۱۱ فلسطینیان شهیدان شوي او د اسراییلو پوځ ادعا کړې چې دا بریدونه یې د حماس له خوا د اوربند له هوکړې د سرغړونې په غبرګون کې کړې دي. د راپور له مخې د بېځایه شویو کورنیو پر یوه کمپ د هوايي برید په پایله کې څلور تنه شهیدان شوي. دغه راز په خان یونس کې په یوه بل برید کې ۵ کسان شهیدان شوي او یو بل کس د غزې په شمال کې ژوند له لاسه ورکړی دی. په غزې کې د حماس ویاند حازم قاسم ویلي، چې اسراییلو د بېځایه شویو فلسطینیانو پر ضد «یوه نوې عاموژنه» کړې او دا اقدام یې له اوربنده جدي سرغړونه بللې ده.
