د ایران په مشهد کې د افغانستان سرکونسل نور محمد متوکل په دغه هېواد کې له مېشتو يو شمېر افغان سوداګرو او اقتصادي فعالانو سره کتلي دي. په مشهد کې د افغانستان سرکونسلګرۍ ويلي، چې په دې کتنه کې نور محمد متوکل د ايران مېشتو افغان سوداګرو ستونزې او ننګونې اورېدلي او ټینګار یې کړی چې په کور د ننه افغانستان کې پانګونه وکړي. متوکل د سوداګرو د ستونزو د ثبت او تعقيب په موخه د مشورتي شورا د جوړېدو وړانديز کړی، چې افغان سوداګرو یې هرکلی کړی.
